Mutabaruka - Saga Of "Too Kool"

Too kool too kool, lef' him tool
But him still teck a chance
An' trod guh de dance

Too kool too kool wear him kriss suit
An' him bran new boot guh a de dance
Too kool did a duh a round' de wirl
Him neva knoo it was scarcha girl
Hiim lite a spliff, an' teck a wiff
Wan de tune dum him neva leggo har han'
Disyah bullet neva ina him plan

Too kool too kool, lef' him tool
But him still teck a chance
An' trod guh de dance

Too kool run to de wall
But yuh knoo de wall was too tall
All de coman dem start to bawl
It was a dre'd dre'd seen in de dance 'all

De musik stap play
A 'ear de D.J. say
"Every day move outa de way
Wi naw play nuh more musik disyah day
An' yuh betta micase
'Cause wen de beast dem com all afi chase"

Too kool too kool, lef' him tool
But him still teck a chance
An' trod guh de dance

It was jus five minutes wen wi ear de sirens
A now de oman dem start to scream
Everyone seh too kool de'd
'Cause de bullet lick him ina him head

Too kool was dung
Kurl up on de grung
Still a blow bre't'
Him neva de'd yet

Wi tink wi ear a nadda shat
But it was som one kick ova de pat
De beast did seh him a count ten
An' every man afi fine him den

Yuh knoo de wall did meck fram brick
But wen de beast dem start fire lick
All yuh coulda si was too bamboo stick

Now everyone gwan, an' lef de lawn
Too kool lay dung sprawl ina de mud
All yuh coulda si was pure blood

Too kool keep asession lass nite
A same way man com bruck fite
A knoo a nadda session a keep nex' lite
An' a bet yuh any ting de crowd a guh tite

Mutabaruka lyrics are copyright by their rightful owner(s) and Jah Lyrics in no way takes copyright or claims the lyrics belong to us.
Jah Lyrics exists solely for the purpose of archiving all reggae lyrics and makes no profit from this website.