Busy Signal - What If?

Yo
More time we sidung and pree
Hot Head
Sometimes I wonder if
What if

What if when me say step out, me did a step back?
What if me never smoke weed and a smoke crack?
What if me never master me graph, business lock
Wonder how dem gyal yah would a react
What if me did a bleach fi turn brown becah me black?
What if me tattoo me eye, me face, me neck, hand and back?
What if me was the type a person fi murder me friend?
Because him barrow me strap and no bring it back?
What if me did a grab purse and a broke shop?
Police pull me over and me vehicle full a strap?
Big shoot out, you hear say turf skull crack?
Simple mean a wouldn't me this 'pon the microphone a chat
What if we never have selectors and diskjock?
You probably would a never hear this track
What if when me say watch out fi this? You never watch out fi that
Me get the blessing from the Father up a top
Brrrup! Bus'!
Hot Head!

You never know
What if your best friend turn your foe?
What if tomorrow morning Jamaica start see snow?
What if that's how the story go?
You never know
What if wha' day dem never sell me out to the cops?
What if me never get six months and come back?
What if the thing set the next way
And the bwoy weh diss Konshens dead the next day? Wha'?!
What if me stop DJ and talk 'bout me war app?
What if me follow some a dem fool yah chat crap?
What if tomorrow Ishawna find out say her career it a go flop
And then a Foota Hype she haffi link back?
What if Jamaica never owed the IMF tax?
What if the whole place crime-free and the violence stop?
What if JPS bill dem stop kill we with shock
And everybody get a raise, a pay top up dem likkle cash?
What if tomorrow morning. everybody stop smoke and drink
No club, no party, no fun, what you think?
God a come, God a come, fast as you wink
Dutty heart and wicked a go sink
Hot Head!

You never know
What if your best friend turn your foe?
What if tomorrow morning Jamaica start see snow?
What if that's how the story go?

Yeah
You never know
What if you pray fi Pound or Euro?
And you find yourself a container full a doe
What if before you spend your first dime, your brain blow?
Oh
Bus'! Bus'!
Hot Head!

Busy Signal lyrics are copyright by their rightful owner(s) and Jah Lyrics in no way takes copyright or claims the lyrics belong to us.
Jah Lyrics exists solely for the purpose of archiving all reggae lyrics and makes no profit from this website.